Puku ye e tsea leina la yona setkiging sa Batau: "Mogobe e kego noka tlhoka - boelelo" go bona e be e le Lake Chrissie, kgauswi le Ermelo, mo Batau ba kilego ba aga gona ge ba etswa bodikela tlase ga Kgosi Ngwato, yo e bego le Mohurutsi. Bjalo ka ge Mogobe wa Kubung o sa gope, le polelo ya bona ga e gope, e fele e le sediba se go ka gelwago setshaba mahumo a mmolelo wa bona go wona; gagolo ge bjalo Sesotho sa Leboa se kopanya maruo a mebolelo ye dilete tse dingwe bjalo ka tsa Batlokwa le Bapedi. Ka gona "Mogobeng Wa Baholla" ke puku ye e tsopolago mahlakoreng a mmalwa a polelo ka lenaneo: Dininwane, direto le diema di hlophilwe ka nepo ya go thusa, gagolo bana, go fahlogelwa e sego botebo ba maruo a polelo fela, eupsa le phapang gare ga sehlopha se tee sa polelo. Ka baka leo, dinonwane le direto di hlophilwe ka mehuta ya tsona go lemosa babadi phapang. Nepo le lehuso ke gore bangwadi ba bafsa le ba batala ba lemoge mahlakore a maruo a, gore yo a tseago lehlakore le tee fela, bjalo ka meeno, goba direto tsa magosi goba diema a kgone go tloge a tsena fase ge e epolla tseo a ka di hwetsago go humisa polelo ya Sesotho mengwalong.
No one has written a review for 'Mogobeng Wa Baholla'
Why not be the first to share your opinion?
